琴日同我媽子出去濕平,大家都有收穫,唔錯唔錯,今日我地兩母子都偷懶,齊齊訓到自己醒,不過我媽子始終都早過我起身,OK, 佢贏, 我就訓到差唔多十一點左右先捨得彈起身.今朝起身唔係好肚餓,咁就一於等lunch一次過食,慳返一餐,我同媽子今日齊齊偷懶唔煮飯,一於落樓下買上黎食
睇黎今日遲左落去,原來佢地11:30-12:30呢段時間有promotion, 29蚊一個飯唔連野飯,我落到去個陣呢....頂佢個肺12:41....即係要比正價啦....好彩佢地呢排有抗疫優惠,外賣9折,咁我都冇咁傷心.不過我好似落樓之前唔記得問我媽子要食咩喎,咁我幫佢揀囉,同佢叫左個紅酒汁芝士焗牛肉飯,配杯熱檸蜜,做仔梗係要吃老母鐘意食乜飲乜架啦,所以唔使問架啦
我自己就叫左個黑松露煙肉闊條麵,飲品的話,例牌,冰咖啡啦,今日餐廳冇乜人,等左10分鐘左右就有得拎 (而家啲餐廳仲快過KFC, 老麥囉), 返到上樓,即刻洗手,吃飯前,同啲野食黎個寫真先,唔係點發帖啊. 我媽子都笑我港女上身,仲港女過港女囉,永遠都係相機食先.
我發現呢間餐廳有才才搵笨柒,我媽子個個紅酒牛肉飯就61蚊,佢地有另一個所謂牛腩飯,只係個汁唔同左,但啲牛腩同我呢個牛肉係一鳩樣既,不過就賣74蚊...所以呢...貴既唔一定等於好囉...
今次係我地兩母子第一次係呢到外外賣,平時我地都堂食,不過按目前情況黎睇,外賣可以慳返唔少,第一,唔使比加一,第二,仲要有9折,咁樣一來一回,外賣原來怪返20%,咁我仲堂食把鬼咩
雖然今天係Lazy Sunday, 但我同我媽子都唔會咁過份既,我就梗係野post啦,我媽子就做下清潔,正所謂,財神見到間屋唔乾淨都唔想入黎啦係咪先? 所以,我地下午都係各有各忙,weekend過得好鬼快,聽朝又要返工,唯有繼續努力,趕埋8月出貨,到9月就可以hea啦,加油加油