腦細冇得頂

今日真係一肚氣,本來約左舊同事收工食飯聚舊, 但勢估唔到,我腦細今日唔知抽左邊條根,為左一張銀碼細到乜既單標晒童,捉住我黎開會講埋堆BS, 仲要叫我出個email去比啲說話個客聽,唉,一定到佢又玩呢啲,心知仆街都得啦,今晚餐飯肯定遲大到.

同佢開完會都5:15, 我已好努力係5:30就起草左一封500字既email比佢, 希望快快趣比佢睇完改完, 冇錯, 係比佢睇完之後由頭執到尾, 之後send 返比我出比個客, 其實我唔知點解要咁執著, 一係你自己寫, 一係你放手比我自己覆個客仲好啦. 何必要我寫完,然後企係到睇你一隻一隻字去執呢?

我真係唔知佢今日午飯係咪食錯野,平時佢都冇咁挑剔,我頂, 今日真係一隻一隻字咁同我執...真係仆撚晒街...又唔好意思同佢講其實我約左人,既然你都由頭執到尾,可唔可以索性呢個email 由你出?

就係咁, 我望住手機個鐘, 由6:05, 6:15 , 6:25, 6:35...足足到7:15先搞掂成個email, 佢send完比我個陣仲叫我再睇睇先send去. 我真係彩你都傻, 我拿拿臨隊完封Bullshit出去仲唔走人會合我舊同事咩. 反正啲客根本唔想聽你既偉論. 我都係做醜人姐.

Send完email我就9秒9衝去坐lift, 見到舊同事只好係咁sorry, 然後就去茶仔吃飯. 比阿腦細搞一搞,搞到胃口都冇埋, 不過人地等足我成粒鐘, 我冇理由唔食架. 咁就是叉爛但點個扒餐算鳩數...我地一邊傾計一邊回想往事, 屈指一算, 原來佢都係個陣公司做左14年, 我就離左職11年. 時間過得真快, 唔知, 下個十年, 我同佢仲會唔會contact 呢.