Tajak dalam gle,beu taba parang
Peusiap rakan,mubek jak sidro
Hana keuh rimueng,takoet na bubrang
Teunte dihantam,tanyo sidro dro
Guna keu cangkoi,beu luhok ateueng
Guna keu peudeung,peu takoet musoeh
Bek coba-coba,mata tajak theun
Hana meutumeung,taneuk soek kawoeh
Peu guna sikin,tacang keuh gule
Peu guna baje,tasoek bak badan
Yang dara dara,beuna keuh tathe
Bek tasoek baje,peu bentuk badan
Narit si manu keu bu meuhajat
Hajat peusampoe manu bek malee
Meunanchit kubu meuheut ke jasad
Jasad nyang meusoe lah manu matee
Haba lon sambong narit lon kira
Gata ban dua bek neumeupake
Peudeung ngon leumbeng bek that neu puja
Malee that yahwa talou ngon beude
Geulanteu ji meusu kilat pih kadeuh
Mata uroe trang seu'um han ek ta kira
Kubah peudeung leumbeng bek lee deuh
Syep hino mantong ta lawan poh cakra
Kheun ureung tuha reudok goh teunte ujeun
Adak pih meunan payong teutap ta sedia
Yoh mantong lam donya dumpu jeut ta kheun
Uroe akherat mandum anggota nyang na suara
Meubareh ureung ban sighom donya
Preih keu tanda gileran troih ukeu Rabbana
Nyang tueng sijjil tamong nuraka
Nyang mat 'illiyin teunte lam syuruga