Saleuem meuturi keu mandum syedara di pat-pat mantong ateueh rhueng donya nyoe. Akun nyoe hadir untok tapromosikan bahsa dan budaya Aceh. Menyo takalen bak internet, sang jareueng tatumee situs atau blog yang khusoh pakek bahasa Aceh. Tujuan situs nyoe adalah supaya bahsa dan budaya Aceh maken meucuhu bak donya.
Situs nyoe, pulapingkui.xyz, kamoe peuget dengan konsep "blog komunitas" -- lagee nyan istilah lama "bahsa toko". Na meuphom bahsa toko? Cuba tanyeng bak ureung tuha-tuha peue bahsa toko. Menyo ka meuphom eutreuk tuleh bak komentar beh. Jadi lagee nyoe. Soe manteng jeut teumuleh bak blog nyoe. Syarat jih: mendaftar. Kiban cara meundaftar? Saba siat. Euntreuk kamoe tuleh langkah-langkah jih. Nyoe neubaca dilee penjelasan kamoe siat beh.
Lheuh tatuleh dan dimuat, peue na honor atau dibi peng? Omak, kamoe lakee meuah wajah adoe, abang, cut kak, ayah, mak, abusyik dan misyik. Kamoe han ase meubi peng atau honor. Sebab blog nyoe kamoe peugeut beutoe-beutoe pulapingkui. Tujuan jih lagee lon peugah beunoe nyakni untok tapeumeucuhu bahsa dan budaya Aceh. Semoga euntreuk na ureueng nyang meukeunong dan geutem bantu sehingga peng nyan jeuet kamoe gunakan untuk operasional.
Tujuan laen blog nyoe nakeuh agar geutanyoe mandum, syik putik-tuha muda, beuna seumangat ta tumuleh lam bahsa Aceh. Jadi blog nyoe adalah arena meureunoe tumuleh lam bahsa Aceh. Supaya tanyoe maken akrab ngon bahsa Aceh bak peugah haba seukaligoeh tumuleh atawa tulesan. Jadi, mari sama-sama tapeurame blog nyoe ngon tulesan-tulesan lam bahsa Aceh. Makin le tulesan maken get. Eentreuk tulesan-tulesan tertentu jeut takumpulkan dan tapeuget jeut keu buku.
Na macam-macam kama (rubrik) bak blog nyoe. Na rubruk "Ceurita". Nyan meunyo lam bahsa Meulayu cerpen (cerita pendek) atawa ceurita paneuk (ceurneuk). Asoe jih fiksi. Meunyo na seureng neubaca koran, na rubrik Cerpen. Nyan keuh nyang kamoe maksud. Isi jih kan ceurita nyata, tapi ceurita fiksi. Cuma beda jih, menyo bak koran dipeuget lam bahsa Indonesia, nyoe neutuleh lam bahsa Aceh.
Na rubrik "Haba" --- nyan asoe jih beurita, informasi, agenda acara. Miseue, awak droe neuh na gotong royong digampong, neutuleh laju bacut beurita nyan dan neuboh foto. Miseue lom, awak droe seniman, na neupeugot pementasan, nyan neutuleh laju acaranya dan dipeutamong keunoe. Atau na jalan rusak di gampong, neufoto laju siat dan neutuleh barang padup alinea informasi nyan.
Rubrik lain adalah "Jakjak". Nyan tulesan tentang teumpat-teumpat wisata atau piknik nyang pernah droe jak. Miseue droe peurnah neujak u Batee Iliek, Samalanga, neutuleh lajo siat teuntang Batee Iliek, dan bek teuwo neupeutamong foto. Atau droe neuh neujak u Lhoknga, neutuleh laju. Sigo-sigo meunyo na neujak u luwa nanggroe jeut chit neutuleh keunoe. Nyang peunting nyan tulesan jakjak.
Rubrik "Jemeun" -- nyan asoe jih teuntang seujarah. Menyo droe galak dan neuteuepue soai seujarah Aceh, jeut neutuleh di sinoe. Peue manteng. Pokok jih peueng manteng teuntang seujarah, seujarah Iskandar Muda, seujarah Teungku Chik Pante Kulu, sejarah Kherkhof, seujarah teuntang gampong beurawe, seujarah asai usul na darussalam, seujarah asai usul nan Samalanga, tulesan tentang seujarah pabrek gula di Cot Girek, dan sebagoi jih.
Rubrik "Meucuhu" -- nyan informasi nyang seudang hangat lam nanggore. Meuseue lagee baroe sa na hangat beurita soai beasiswa untok anggota DPRA, nyan jeuet neutuleh kiban menurot droe neuh peursoalan nyan. Rame beurita soal investasi di Aceh, jeuet neutuleh kiban meunurot droe hai nyan. Uroe nyan rame berita soai biaya operasional juru bicara pemerintah Aceh, nyan jeut neutuleh pendapat droe neuh. Macam-macam hai, seugala bidang.
Rubrik "Peunajoh" nyoe teuntang makanan-makanan di Aceh. Droe neuh jeut neutuleh tentang peue manteng makanan di Aceh nyang droe kuasai. Miseue, gule pliek, sie itek, sie manok, mie Aceh, kupi khop di Meulaboh, dan macam-macam. Peue manteng jeuet neutuleh. Menyo neu tamah ngon resep maken get lom. Supaya awak luwa Aceh jeuet dicuba masak makanan awak geutayoe. Ken lagee nyan.
Rubrik "Rangkang" adalah opini, pendapat droe tentang berbagai hai lama masyarakat, peue keuh soai sosial, budaya, politek, ekonomi, dan laen-laen. Meunyo na neubaca koran Serambi, cuba neukalen rubrik opini. Nyan lagee nyan kira-kira. Cuma nyoe lam bahsa Aceh. Inti jih opini (rubrik Rangkang) adalah pendapat droe teuntang beubagoe hai di Aceh. Dari urosan listrek nyang seureng mate, ie meucret-cret, sampoe urosan pulitek dan ekonomi. Peue manteng. Tuleh laju.
Rubrik "Reusam". Asoe jih teuntang kegiatan budaya, sastra, seni, adat-istiadat di Aceh. Miseue, na acara PKA, nyan jeuet neutuleh laju. Na acara pertunjukan teater, neutuleh laju. Na baca puisi di Taman Budaya atau bak sikula, kampus, gampong, dan laen-laen -- neutuleh laju. Pokok jih mandum kegiatan budaya, sastra, seni dn adat-istiadat di Aceh jeuet neutuleh bak rubrik nyoe.
Rubrik "Syae" nyan isi jih memang syae. Lam bahsa Indonesia geukheun puisi. Tapi nyoe puisi lam bhasa Aceh. Hikayat pih jeue ditameng keunoe. Tapi menyo neumuat tentang hikayat bek tuwo neuseubot soe pengarang jih. Nyan bagean tahargai hak cipta. Menyo neupeutamong tulesan syae dari pat manteng nyang kon karya droe neuh, bek tuwo neutuleh dari pat sumber tulesan nyan neukutep dan soe pengarang jih.
Ukeue teuntee akan meutamah lom rubrik-rubrik laen sesuai kebutuhan. Sementara jeuet nyoe dilee. Kamoe meulakee izin, doa dan dukongan bak droe neuh mandum ureung Aceh pat mantong agar buet kamoe nyoe beulancar dan geubri rahmat le Allah SWT. Semoga tanyoe mandum sukses dan senang seujahtera. Amin.
Jakarta, 18 Juni 2018
Saleuem dari pulapingkui.xyz
Ilustrasi foto:
indonesia.biz.id
hi:)
Selamat @pulapingkui! Sudah bergabung di Steemit. Senang melihat anda bergabung di sini.. sudah diupvote ya.. 😋 (Secuplik kontribusi kami sebagai witness pada komunitas Steemit Indonesia.)
You got a 18.82% upvote from @kakibukit courtesy of @puncakbukit!
saleum meuturi dari kamoe beh.....
saleuem meuturi, saleum mulia. sekaligu seulamat uroe raya, minal aidin wal faidzin
Welcome to Steem, @pulapingkui!
I am a bot coded by the SteemPlus team to help you make the best of your experience on the Steem Blockchain!
SteemPlus is a Chrome, Opera and Firefox extension that adds tons of features on Steemit.
It helps you see the real value of your account, who mentionned you, the value of the votes received, a filtered and sorted feed and much more! All of this in a fast and secure way.
To see why 2929 Steemians use SteemPlus, install our extension, read the documentation or the latest release : SteemSincerity on Busy and a few bug fixes.
thankyou
Hallo @pulapingkui.. Selamat berkumpul di Steemit! Suka anda bergabung.. sudah diupvote yah.. (Secercah kontribusi kami sebagai witness di komunitas Steemit Indonesia.)
terima kasih atas apresiasinya. Salam
✅ @pulapingkui, I gave you an upvote on your first post! Please give me a follow and I will give you a follow in return!
Please also take a moment to read this post regarding bad behavior on Steemit.
thank you for your attension. vregard
thankyou for your attension. regard
Tepat brat bit payah pula pingkui bak steemit.
Haha... Kabeutoi. Memang brat that harus tapulapingkui bak steemit nyoe. tapi kamoe fokus bak blog: pulapingkui.xyz. Bak Steemit hiburan manteng. Saleum