Di jak U Banda, lake kuliah
Izin bak Ayah si Aneuk dara
Hana peu susah, hai mak meutuah
Keu peng Kuliah, kajeut lon mita
Lon Eh bak kost, sewaa pih murah
Hana peu susah Ayah ngen bunda
Neu lake doa, sukses beu bagah
Lon jak kuliah, mita sarjana
Meunan keuh izin, awai d langkah
Lake kuliah, bak ayah ngen ma
Tpi oh jinoe sayang si lempah
Dara yang ceudah, Hana le guna
Macam ta kalen, Rata daerah
Ken meuceh hai Yah, sideh di Banda
Rata jeut sagoe, seramoe meukah
Male silempah ta kalen nyata
Apam di publoe, ke peng kuliah
Cukop that murah, lewat udara
Rame yang pesan, Yang puteh mirah
Yang Raya capah, wate d buka
Tapi sayang ckop that susah
Wate di Ramah, hana le guna
Hana yum le, capah yang mirah
Puteh meu kulah, hana le makna
Yang cukop saket, Aneuk meutuah
Hukum bak Allah, Singoeh tarasa
Hukum di aceh, Gata di peu glah
Sebab na jatah, malam baroesa
Nye aneuk gop, kapoh beu bagah
Nye aneuk pemerintah, ka segan raya
Nye aneuk gop, kadrop beu bagah
Nye aneuk pemerintah ka lepah sigraa.
sabe promosi kuliner asai aceh rakan....pekerjaan yg baik...semoga sukses....salam dari lon tuan
Makasih, myoe koen tanyoe yg promosi soe laen. Saling berbagi informasi rakan.
siap