အလွတ်ကျက်ပုံစံဖြင့်သွားနေလျှင် ဘားကမ့်များ မည်မျှလုပ်လုပ် မရနိုင်ကြောင်း ကိုမင်းကိုနိုင် ပြောကြား
------ သင့်တော် (မုံရွာ) ------
အလွတ်ကျက်သည့် ပုံစံမျိုးဖြင့် သွားနေပါက ဘားကမ့်များ မည်မျှလုပ်လုပ် မရနိုင်ကြောင်း (၈၈)မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း မှ ၈၈ ကျောင်းသားခေါင်းဆောင် ကိုမင်းကိုနိုင်က မုံရွာဘားကမ့်တွင် ပြောကြားလိုက်သည်။
’’အခြေခံပညာရေးအဆင့်မှာ သူတို့ကို စဉ်းစားတတ်တဲ့ ပုံစံမျိုးနဲ့ သွားမှရမယ်။ အလွတ်ကျက်ပုံစံမျိုးနဲ့ သွားနေရင် ဘားကမ့်တွေ ဘယ်လောက်လုပ်လုပ်မရဘူး။ အဲဒီကလေးဟာ ကိုယ်ပိုင်တာဝန်ယူမှုနဲ့ မစဉ်းစားတတ်ဘူး။ အမြဲတမ်း အလွတ်ကျက်တာက ရပ်သွားလို့ရှိ ရင် ဆက်လုပ်လို့မရတော့ဘူး ဆိုရင် ဘာတွေ ဘယ်လောက်လုပ်လုပ် သိပ်အကျိုးထူးမှာ မဟုတ်ဘူး။ အခြေခံ ပညာရေးကိုယ်၌ ကလည်း ပွင့်နေတဲ့ ပညာရေးဖြစ်ရမယ်။ ကလေးတွေ ကိုယ်တိုင် တွေးခွင့် ကိုယ်တိုင်တာဝန်ယူ ဆုံးဖြတ်နိုင်တဲ့ ပညာရေးဖြစ်ရမယ်’’ ဟု ကိုမင်းကိုနိုင်က ပြောကြားသည်။
ဘားကမ့်မုံရွာတွင် အများဆုံးမြင်ရသည်မှာ လူငယ်အများစုဖြစ်ပြီး မြင်ရတွေ့ရသောလူငယ်များနှင့် ပတ်သက်၍ ကိုမင်းကိုနိုင်၏ အမြင်ကို မေးကြည့်ရာ ’’လူငယ်တွေအနေနဲ့ ပညာရယ် စွမ်းရည်ရယ် ပေါင်းတဲ့ ပညာစွမ်းတွေ ပြည့်အောင် ဝိုင်းဝန်းဆောင်ရွက်ပေးကြတာပါ။ တစ်ခုရှိတယ်။ မျိုးဆက်အဟောင်းတွေဟာ မျိုးဆက်အသစ်လောက်တော့ နည်းပညာကောင်းနိုင်မှာ မဟုတ်ပါဘူး။ မွေးကာစကလေးကိုကြည့်။ ဖုန်းပွတ်တတ် ဖွင့်တတ်နေပြီ။ ဂိမ်းတွေကစားနေတတ်ပြီ။ ဘာပြုလို့လဲဆိုတော့ အသစ်ပေါ်လာတဲ့ ကိရိယာတွေဟာ သူတို့အတွက်ဖြစ်တယ်။ ဒါပေမယ့်သူတို့ဟာ ဘယ်အတွေးအခေါ်မျိုးနဲ့သွားမှာလဲဆိုတာကတော့ အရင်မျိုးဆက်က သူတို့ကို အနည်းဆုံး အတွေ့အကြုံတွေကိုတော့ ပြောပြမှာပါဘဲ။ အတွေ့အကြုံရယ် စဉ်းစားပုံစဉ်းစားနည်းကို ပြောပြရမှာပါ။ အဲဒီတော့ ဘာလိုလဲ မေးရင် ဒီတိုင်းပြည်ရဲ့ ပညာရေး အခြေခံလိုတယ်’’ ဟု ၄င်းက ပြောကြားသည်။
ဘားကမ့်မုံရွာသို့ တက်ရောက်လာသူများသည် ခင်မင်သူများဖြင့် စုဖွဲ့စကားပြောရာတွင် ဘားကမ့်ဆိုသော စကားလုံးကို အမျိုးမျိုးပုံဖော် ပြောဆိုနေကြသည်ကိုကြားရသည်။ မည်သူမျှရေရာ တိကျသော အဖြေပေးသံကိုတော့ မကြားရသဖြင့် ဘားကမ့်၏အဓိပ္ပာယ်ကို ကိုမင်းကိုနိုင်အနေဖြင့် မည်သို့ဖွင့်ဆိုမည်လဲ မေးကြည့်ရာ ’’ဘားကမ်ဆိုတဲ့ စကားလုံးကို တွေ့တဲ့သူ မေးကြည့်ပါ။ ဘားကမ့် သိသလားဆိုရင် မသိကြပါဘူး။ဘာဖြစ်လို့လဲဆိုတော့ ဒီစကားကြီးဟာ မရင်းနှီးဘူး။ ဘာဖြစ်လို့ ဗမာလိုမပြန်နိုင်ရတာလဲ။အရာရာအကုန်လုံးကို အင်္ဂလိပ်လို ချည်းဘဲ တိုက်ရိုက်မွေးစားနေရင်အားလုံးဟာ အမြုံလိုဖြစ်သွားမယ်။ လူမျိုးတစ်မျိုးရဲ့ ယဉ်ကျေးမှုနဲ့ သူ့ရဲ့ သိမှု အဆင့်မြင့်မားဖို့ဆိုရင် ဘာသာပြန်လို့ရတဲ့ဟာဆိုရင် ပြန်ကိုပြန်ရမယ်။ ဘားကမ့်ဆို တကယ်တော့ ဂီယာလိုဟာ မျိုး ဘာသာပြန်လို့မရတဲ့ဟာ မဟုတ်ပါဘူး။ စွမ်းရည်တွေကိစ္စဘဲ။ စွမ်းရည်တွေမြှင့်တင်ဖလှယ်ကြမယ့်ပွဲပါ။ ဒါကို ပညာရှင်တွေ ပေါင်းပြီး မြန်မာလိုလဲ ပြန်လို့ရနိုင်ပါတယ်။ ဒါမှ ဒါ ဘာလုပ်နေတယ်ဆိုတာ သာမာန်ပြည်သူတွေ နားလည်မှာပေါ့။ မဟုတ်ရင် ပရိသတ် လက်တစ်ဆုတ်လောက် ဒီထဲမှာလာပြီးတော့ အင်္ဂလိပ်တစ်ပိုင်း ဗမာတစ်ပိုင်းတွေပြော လက်ခုပ်တီးကြ စာရွက်တွေဝေကြဆိုရင် နောက်ဆုံးမှာ ဒီဥစ္စာက မျော်မှန်းထားတဲ့ ပန်းတိုင်မရောက်မှာစိုးရိမ်မိပါတယ်။ ပြောချင်တာက ကျွန်တော်တို့အားလုံး ဘာလုပ်လုပ် လူငယ်တွေရော သာမာန်ပြည်သူတွေရော ရှင်းလင်းနားလည်ရမယ်။ ပူးပေါင်းပါဝင် မှရမယ်။ လူငယ်ချည်းပဲ မလုံလောက်လို့ပြောနေတာ။ ကလေးတွေလည်းလိုတယ်။ ဒီ ထက်စောခဲ့တဲ့ မျိုးဆက်လည်းလိုတယ်။ အဲဒီသုံးခုက ချိတ်နေဖို့လိုပါတယ်’’ ဟု ကို မင်းကိုနိုင် က ရှင်းပြခဲ့သည်။