အတိုက်အခိုက်နဲ့ကြုံရင်

Credit:photo
■■■■■■■■■■■

အတိုက်အခိုက်ဆိုတာ လူတိုင်းကြုံရတတ်တယ်။ သူတောင်းစားတောင် နယ်မြေလုပြီး ရန်ဖြစ်တတ်တာပဲ။ စားကျက်တူပြီ၊ နယ်မြေတူပြီ၊ လုပ်ငန်းတူပြီ၊ လမ်းကြောင်းတူပြီဆိုလို့ကတော့ ငြိမ်ငြိမ်မနေကြတော့ဘူး။ စတိုက်ဖို့ ကြံတော့တာပါပဲ။ သက်ရှိလောကကြောက်စရာကောင်းတာ အပြောမဟုတ်ဘူး။ အရမ်းဆိုးတာပါ။ ပျော့ပျော့နဲ့ နံတဲ့ကြောင်ချီး ဆိုတဲ့လူစားမျိုးကလည်း အချိုသပ်ပြီး တိုက်တတ်တယ်။ ဘီလူးသဘက်စီးပြီး တိုက်တတ်တဲ့လူစားမျိုးကလည်း တစ်မျိုးပါပဲ။

စဉ်းစားမိတာက လူတိုင်းရဲ့တရားမျှတစွာ ရပိုင်ခွင့်၊ လုပ်ပိုင်ခွင့်ဆိုတဲ့ ဘောင်ထဲကဆိုရင် အပြစ်မဆိုပါဘူး။ ဘာကြောင့်များ တစ်ပါးသူရဲ့ ဘ၀ကိုဖျက်ဆီးပစ်ပြီးမှ နေရာယူချင်ကြတာလဲလို့ တွေးမိတိုင်း စိတ်မကောင်းဖြစ်ရတယ်။ ခံလိုက်ရတဲ့သူတွေကို ကြည့်ပြီး စိတ်ထဲမကောင်းဘူး။ အော် ကျောက်ခေတ်နဲ့ IT ခေတ် အ၀တ်အစား အသုံးအဆောင်ပဲ ကွားသွားတာ၊ စရိုက်ကအတူတူပဲလို့။ ကြီးနိုင်ငယ်ညှင်းပါလားလို့။ ဘာမှလည်းကွာမသွားပါလားလို့ မြင်မိပါတယ်။

လောကမှာက ဆန့်ကျင်ဘက်သဘောတရားချင်း တိုက်ခိုက်ကြတာသဘာဝပါ။ မေတ္တာကြီးသူကို ရန်လိုသူကပိုတိုက်တယ်။ သနားတတ်သူကို ရက်စက်သူကပိုတိုက်တယ်။ ပညာရှိသူကို ပညာမဲ့သူကပိုတိုက်တယ်။ အကောင်းဓာတ်ခံသဘောတရားနဲ့ အဆိုးဓာတ်ခံသဘောတရားဆိုတာ အမြဲဆန့်ကျင်ဘက်ပဲလေ။ သို့သော်လည်း အဆိုးဓာတ်ခံကသာ တိုက်တတ်တာပါ။ အကောင်းဓာတ်ခံတွေက ခံဘက်ကကြီးပါပဲ။

တိုက်ခိုက်တယ်ဆိုတဲ့နေရာမှာ ခံစစ်နဲ့၊ တိုက်စစ်ဆိုတာတော့ရှိတယ်။ တိုက်စစ်သမားက အစကတည်းက အလိုဆိုးရှိနေတယ်။ ဣဿာ၊ မစ္ဆရိယ အားကြီးလို့ဖြစ်တာပါ။ ဒီတရားအားကြီးလေလေ ဉာဏ်နီဉာဏ်နက် ပိုသုံးလေလေပါပဲ။ အတော်ယုတ်မာတတ်ပါတယ်။ တစ်ဘက်သားကို ထည့်မတွက်တတ်ပါဘူး။ ထင်မှတ်မထားလောက်အောင်ကို ယုတ်မာပါတယ်။ ရက်စက်တဲ့နှလုံးသားပဲရှိပါတယ်။ ယုတ်မာသူက ပိုပြီးပရိယာယ်များပါတယ်။ အသံပိုကျယ်ပါတယ်။

အကောင်းဓာတ်ခံသမားတွေက ခဏခဏအတိုက်ခံရတော့ ခံစစ်ပဲတတ်နိုင်ကြတယ်။ များသောအားဖြင့် ကိုယ့်လိုပဲထင်မိပြီး ကြိုတင်ပြင်ဆင်မထားတတ်ကြတဲ့အတွက် အငိုက်မိတတ်ကြပါတယ်။ မကြာခဏ ဘ၀ပျက်ကြရတယ်။ သနားတတ်ခြင်း၊ ငဲ့ညှာတတ်ခြင်း၊ ကူညီလိုစိတ်များခြင်း၊ ခွင့်လွှတ်တတ်ခြင်းတွေက ရန်သူအတွက် အခွင့်အရေးတွေပါပဲ။ အဲဒီ အကောင်းသဘောလေးတွေက ကိုယ့်ရဲ့ပျော့ကွက်၊ ဟာကွက်တွေ ဖြစ်နေတာလေ။ ဒါကို အဆိုးဓာတ်ခံသမားက ကောင်းကောင်းအသုံးချတတ်တယ်။

ဒီတော့ အကောင်းဓာတ်ခံသမားမှာ ဉာဏ်ရှိသူက ပြတ်သားခြင်းကို လက်နက်အဖြစ်သုံးရပါလိမ့်မယ်။ မတွယ်တာခြင်းကို လက်နက်အဖြစ်သုံးရပါလိမ့်မယ်။ ယုတ်စွအဆုံး ကိုယ့်သားသမီးကအစ မတွယ်တာတတ်အောင် ကျင့်ယူထားရပါမယ်။ အဲဒီတွယ်တာမှုကို အသုံးချပြီး ကိုယ့်သားသမီးကို ဓားစာခံလုပ်ပြီး အနိုင်ယူတတ်ကြပါတယ်။ မတွယ်တာရင် မကြောက်တော့ဘူး။ မမှုတော့ဘူး။ ရန်သူက ကိုယ့်ကိုအနိုင်ယူလို့မရတော့ဘူး။ ခက်တယ်ဆိုပေမဲ့ ကျင့်ယူလို့ရပါတယ်။

ဒါကြောင့်လည်း ဘုရားရှင်က မတွယ်တာဖို့ ခဏခဏသတိပေးဟောကြားထားတာပါ။ မတွယ်တာဘူးဆိုတာ ရက်စက်တာမဟုတ်ပါဘူး။ ကာကွယ်တာပါ။ မိမိကိုယ်ကိုရော တစ်ပါးသူကိုရော ကာကွယ်တာပါ။ များများကျင့်သုံးကြည့်ရင် သဘောပေါက်လာပါလိမ့်မယ်။ စိတ်မခိုင်သူကို လှည့်စားဖျားယောင်းရတာ လွယ်ပါတယ်။ အစားမက်ရင် အစားနဲ့သက်လို့ရတယ်၊ ဂုဏ်မက်ရင် ဂုဏ်နဲ့ဖျက်ဆီးလို့ရတယ်၊ ငွေမက်ရင် ငွေနဲ့ဖျက်ဆီးလို့ရတယ်။ စိတ်မခိုင်သူဆို ပိုအထိနာတတ်ပါတယ်။

ကိုယ့်ဖာသာနေတာပဲဆိုပြီး အေးအေးနေလို့မရပါဘူး။ ရန်သူဆိုတာ အိမ်ပေါ်ထိအကြောင်းရှာ ရောက်လာတတ်တာပါ။ သတိကြီးကြီးထားပါ။ ရင့်ကျက်အောင်၊ အယုံမလွယ်အောင် ကျင့်ယူပါ။ ဆင်ခြင်ဉာဏ်သုံးတတ်အောင် လေ့ကျင့်ယူပါ။ အမြင်၊ အကြားနဲ့ မယုံပါနဲ့။ ဆင်ခြင်ဉာဏ်သုံးပါ။ မြှောက်ခြင်း၊ ခြောက်ခြင်းတွေကို လုံးဝမတုန်လှုပ်အောင် ကျင့်ယူပါ။ မြှောက်တယ်၊ ခြောက်တယ်ဆိုတာ ရန်သူရဲ့ ကိုယ့်ကိုဟန်ချက်ပျက်သွားအောင် ကြိုးစားတဲ့ ခြေဆင်းတိုက်ကွက်ပါ။

အချုပ်အားဖြင့်တော့ တရားအားထုတ်တာကို လက်လွှတ်လို့မရဘူးဆိုတာပါပဲ။ စိတ်လေ့ကျင့်ခန်းဆိုတာ တရားအားထုတ်မှရမှာပါ။ မခံနိုင်အောင်ထိုင်တာကို ပြောတာမဟုတ်ပါဘူး။ အချိန်တိုင်း တရားသဘောမြင်အောင် နေတတ်ခြင်းကိုဆိုလိုတာပါ။ များများကျင့်သုံးလေ လောကသဘာဝကို မြင်လေလေ အန္တရာယ်ကိုကာကွယ်နိုင်လေလေပါပဲ။ ဘာကြောင့်လဲဆိုတော့ တရားသဘောအမြဲဆင်ခြင်ရင် မတုန်လှုပ်ခြင်းဆိုတဲ့ ရလဒ်ရလာလို့ပါပဲ။ ပြတ်သားလာပါလိမ့်မယ်။ ဉာဏ်ကြီးလာပါလိမ့်မယ်။

ဒါပေမဲ့ကြိုပြောမယ်နော်။ ခဏလေးနဲ့တော့ အဲဒီသတ္တိကိုမရပါဘူး။ ဘုန်းကြီးက ငယ်ငယ်လေးကတည်းက တရားထိုင်ခဲ့ရတာ။ အသားကျနေလို့။ အားလုံးကိုပြောချင်တာကတော့ နောက်မကျသေးဘူး။ ကြိုးစားလိုက်ပါ။ မတွယ်တာတဲ့နေ့ မတုန်လှုပ်တော့ဘူးဆိုတာပါပဲ။ သေရမယ်ဆိုရင်တောင် သတ္တိရှိရှိသေရဲပါလိမ့်မယ်။ တရားအားထုတ်ခြင်းရဲ့ရလဒ်က ဘာလဲသိချင်ရင် အားထုတ်ကြည့်လိုက်ပါလို့ မှာပါရစေ။
ရန်ကင်းကြပါစေ။

အရှင်သုစိတ္တ (မော်ကျွန်း)

🌺အမှောင်ပျောက်၍ အလင်းရောက်ပါစေ။🌺
#crd