Hive fit be anything for different people, to some na platform wey dey reward content creators, to some na learning avenue, to some, to promote business, to some just for the fun and as e dey pay and to others e be all of the above and again to some e fit pass wetin I imagine. But enough of others, now na about wetin e be to me- Though hive dey rewarding from contents and that fact alone dey tempting but I also see hive as platform wey fit empower youth and for business. I go give my reasons to why I view hive under those perspectives.
Initially, I join hive because person wey introduce me tell me how rewarding e dey, so all my mind come dey crowded around the fact say I fit make money take support my other activities. But within few months, I come realise say hive hold plenty things pass just the earning side. First na the:
Youth Empowerment
-Learning: many things dey wey I being no know regarding cryptocurrency, about writing, photography, places, health, fictions etc. But gradually as I come dey engage, I come dey learn some knew things wey I no Sabi before and e open my eyes to many things about writing, life, cryptocurrency, entrepreneurship. Again I come dey compose for writing than I be before now.
-Engage Youth: Most youth, including myself wey being no dey do anything except chat come begin dey do something for ourselves, we start work to earn something for ourselves and to even give others. Somehow e come make us dey self employed , engaging us to do something for ourselves wey fit give us small money than roam about doing nothing in particular.
-Mental development: hive develop us both mentally to face life with resilient spirit. As long as we persist here to survive, e open our mind to prepare for the life outside. E come dey groom the youth make them put that mindset say working hard na the way to succeed for this life. So hive don help reshape people thought plenty.
Business
Hive fit also be place for business, beside we don get people already wey them do business through:
-Hive purchase: people go buy hive when the money low then sell am when e don high.
-Entrepreneurship: I don see person wey start sell product for hive just like Amazon but you fit pay using hive.
-content sellers: people dey wey dey assist to help write for those wey no sabi write just for few amount of hive. So hive open opportunity for them to write and sell for others. This one too na business wey fit happen for hive.
-Saving investment-some years ago, one bank being dey online wey person fit save him steem now hive with them. Them go use am invest then later Share the interest. All this one too possible for hive.
That's why I conclude say opportunities dey plenty wey fit happen for here, the one wey we imagine and no imagine.