MCGI Topic Review: "May punto ba ng Pagkakasundo ang Masama at Mabuti?"***

[godlovermel25]

Maligaya at Mapayapang araw sa ating lahat! At dalangin ko ang magandang buhay! 😇

Masaya muli akong makabalik at magbahagi muli sa isa na naman sa mga featured topic dito sa Community at labis ang aking pasasalamat dahil sa palagian akong nakatanggap ng suporta mula sa aking mga kaibigan at sa Admin ng Community na ito.

Higit sa lahat buong puso akong nagpapasalamat sa ating buhay na Dios sa palagiang pagbibigay sa akin ng lakas at mabuti at magandang kalusogan araw-araw.

Ngayon din ay magbabahagi ako ng panibagong repleksyon o topic review dito sa topic na "May punto ba ng Pagkakasundo ang Masama at Mabuti?". Isa nga itong magandang pag-usapan at bigyang aral dahil alam natin na sa mundong ito meron talagang mga masasamang mga tao at mga mabubuti.

Habang tayo nga ay nabubuhay sa mundong ito, hinding hindi natin maiiwasan na meron tayong mga taong nakakasalamuha, mabibuti man ito o mga masasama dahil sabi nga na ang mundong ating kinaroruonan ay merong iba't ibang klase, at normal lamang ang mga ito.

Kung ating pag-aralang mabuti ang tanong kung meron bang punto na nagkakasundo ang masama sa mabuti, para sa akin ito ay hinding hindi mangyayari dahil kahit na ano mang gawang masama hinding maaring gawin ng mabubuti. Tanging mga masasama lamang magkakasundo sa isat isa.

Lucas 23:11-12 “At si Herodes na kasama ang kaniyang mga kawal ay inalimura siya, at siya'y nilibak, at sinuutan siya ng maringal na damit, at ipinabalik siya kay Pilato. At nang araw ding yaon ay naging magkaibigan si Herodes at si Pilato: sapagka't dating sila'y nagkakagalit.

Mga halimbawa sa Bibliya kung ating babasahin ay sila Herodes at Pilato, na bagamat sila ay nagkakagalit ay nagkakasundo sa isang gawaing masama, at ito ay kanilang ginawa sa ating Panginoong Hesu-Kristo.

Bagamat sila nga ay dating magkagalit pero sa gawaing masama masasabi natin na nagkakasundto sila kung kaya masasabi talaga natin na kung sino yong mga masasama ay sila ding nagkakasundo.

Mga taong masasama lamang ang makakagawa nito at sila lang din ang nagkakasundo. Walang pagkakataon na ang mabubuti ay nagkakasundo sa masasama lalong na sa mga gawain nito.

2 Corinto 6:14-15 “Huwag kayong makipamatok ng kabilan sa mga di nagsisisampalataya: sapagka't anong pakikisama mayroon ang katuwiran at kalikuan? o anong pakikisama mayroon ang kaliwanagan sa kadiliman? At anong pakikipagkasundo mayroon si Cristo kay Belial? o anong bahagi mayroon ang sumasampalataya sa di sumasampalataya?

Kung pag-isipang mabuti at ating pag-aralan, walang katuwiran at kalikuan ang nagkakasundo talaga, kahit pa ang kaliwanagan at kadiliman hinding hindi nakakaisa dahil nga sa hindi ito nagkakasundo, gayon din ang mga mabubuti sa masasama walang kahit na isang punto na sila ay nagkakasundo sa isa't isa.

Para sa aking paghuling repleksyon o review tungkol sa topic na ito, hinding hindi natin maiiwasang marami talaga tayong makakasalamuhang mga tao at minsan ang mga ito ay masasama.

Bagamat hindi natin ito maiiwasan, sisiguraduhin lamang natin na hindi natin magagawa ang kahit na ano pa yang mga masasama nilang gawain at ang ating gawin ay ipakita natin sa kanila ang kabutihan natin at nang makita nila na tayo ay may Dios sa buhay natin, at para makilala din nila ang Dios natin.

Hanggang dito nalang din po ako sa aking reflection tungkol sa bagong topic na ito na merong title na, "May punto ba ng Pagkakasundo ng Masama at Mabuti?", at labis ang aking pasasalamat sa Dios sa lahat ng aking natutunan sa topic na ito, at salamat sa Dios sa lahat ng mga sumusuporta sa akin lalong lalo na ang MCGI Cares Hive Community. Hanggang sa susunod na naman at sa sumusuporta sa aking bagong repleksyon na ito at sa bagong topic na naman mga kapatid.

To God be all the Glory! 😇🙌☝️

Your Friend
@godlovermel25

---

Thanks to @kennyroy for
the animated GIF.