Huawei ရဲ့ Sub-brand တစ်ခုဖြစ်တဲ့ Honor ကနေ ပြီးခဲ့တဲ့ ရက်ပိုင်းတုန်းက ပထမဆုံးသော Gaming စမတ်ဖုန်းတစ်ခုဖြစ်တဲ့ Honor Play ကို မိတ်ဆက်ခဲ့ပါတယ်။ အဆိုပါ Honor Play စမတ်ဖုန်းမှာ စွမ်းဆောင်ရည်မြင့်မားတဲ့ Kirin 970 Processor ကို ထည့်သွင်းထားသလိုပဲ နောက်ထပ်နည်းပညာတစ်ခုပါဝင်နေပါသေးတယ်။
အဲ့ဒါကတော့ GPU Turbo နည်းပညာလို့ ခေါ်တဲ့ GPU ရဲ့ စွမ်းဆောင်ရည်ကို ၃၀ ရာခိုင်နှုန်းလောက်အထိ တိုးတက်လာစေတဲ့ နည်းပညာပဲဖြစ်ပါတယ်။ အခုလိုမျိုး GPU Turbo စနစ်ကြောင့် Mid Range ဖုန်းတွေမှာလည်း ဂိမ်းဆော့ရတာ သိသိသာသာကို တိုးတက်လာမှာဖြစ်ပါတယ်။
အခုအချိန်မှာတော့ Honor ကနေ အခုလိုမျိုး GPU Turbo နည်းပညာကို အခြားသော Honor ဖုန်းတွေမှာပါ ရရှိအောင် ဆောင်ရွက်ပေးသွားမယ်လို့ ပြောကြားခဲ့ပါတယ်။ အဲ့ဒီအတွက် မကြာခင်မှာ Honor 10 ၊ Honor View 10 ၊ Honor 9 Lite နဲ့ Honor 7X စမတ်ဖုန်းတွေအားလုံးမှာ အခု GPU Turbo နည်းပညာကိုရရှိလာတော့မှာဖြစ်ပါတယ်။
Huawei အနေနဲ့ အခုလိုမျိုး Gaming အတွက် နည်းပညာတွေကို ထည့်သွင်းလာတာက အခြားသော စမတ်ဖုန်းတွေနဲ့ ယှဉ်ရင် သိသာတဲ့ အားသာချက်တစ်ခုဖြစ်လာပါတယ်။