http://www.pantonaceh.com
Syarat dan Ketentuan Kontes PANTOEN edisi 17
- Resteem post nyo (tujuan jih untuk promosi kontes nyo ke mandum rakan - rakan steemit)
- Peugot saboh panton dalam bahasa aceh beuna kata - kata "LEUMANG" lam panton nyan (paleng kureng saboh bait).
- Pantoen yang kaleuh neupegot ne post bak komentar post nyo.
- Pantoen harus karya dro dan hanjet jiplak bak buku atau internet (belum pernah dipublikasi)
- Pantoen hana payah panyang yang penteng bermakna
- Wate jih 3 uro mulai postingan nyo kamo terbitkan.
Hadiah
- 3 boh panton terpilih akan merempok hadiah dari kamo.
- Hadiah jih berupa vote 100 % dari setiap sponsor (sekitar 1.00 - 1.50 SBD / menurot harga VEST)
Sponsor
3 PANTOEN TERPILIH BAK KONTES KE-16
Seulamat kepada @khairatmohamad, @aqu1 dan @mauliza94 . 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .
Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo
Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo
Mandum Panton karya rakan - rakan jeut ne akses melalui : http://www.pantonaceh.com
UNDANGAN TERBUKA
Kamo na meadakan acara buka bersama sponsor pantonaceh dan para pujangga yang akan kamo adakan :
- Tempat : Ayam Penyet D'Albi, Buket Rata - Lhokseumawe
- Uro : Senin, 28 Mei 2018
- Acara : Poh Cakra Sekaligus Buka Puasa Bersama
- Biaya : 1.5 SBD / IDR 35 K
Bagi rakan rakan pantonaceh yang bisa berhadir jeut ne konfirmasi bak kamo atau neuhubungi:
- Whatsapp : Tgk @harjuky (Admin Rakanpulsa) 085361757416
Terimong Geunaseh
"Assalamualaikom ulon peusampoe
Keu agam binoe mandum semua
Bacut calitra lon neuk peusampo
Kebiasaan tanyoe lam buleun puasa
Meumacam bago wate takalon
Peusiap makanan buka puasa
Peuget boh rom rom ngen timfan balon
Na yang plah boh sukon croh keubada
Na yang tet leumang,na yang tet pulet
Na cit yang peuget cagruk kupila
Laen nibak nyan na jagong teutet
Yang that meusambot lincah boh meuriya
Oh wate uro cukop that hawa
Boh krundong putik yang pah ta rasa
Tapi meunan troh wate jeut buka
Madum ata nyan gadoeh seulera
Mandum mandum nyan godaan syetan
Di yu geutanyoe buka puasa
Beu ek ta saba tanyoe hai rakan
Bek sampe karnanyan puasa tabuka.
Cuma nyo sagai dari lontuan,Trimoeng geunaseh.
Memang beutoi lagee haba @adito
Watee uroe buleun puasa
Ubena makanan ka ta peusaho
Oeh watee katroe gadoeh selera
Teurimong geunaseh ulon peusampoe
Bak panton goe nyoe ka troek neu teuka
Beusihat badan malam ngoen uroe
Leumang ngoen tumpoe bek sagai lupa.
Teurimong geunaseh
Leumang buloeh ngoen leumang trieng
Meuah loen lakee keu bandum rakan
saleum loen peusan tanda mulia
Amanah loen peutrok loen preh balasan
dua boh leumang beuneutupat beda
Leumang buloeh Mangat tapajoeh
Rasa jih Mangat jithee u luwa
Bek coba coba Nye Hana neupajoeh
Payah grah jaroe siploh ateuh kepala
Amanah loen peutroek keu rakan rakan
Neusi rasa sikhan nibak leumang buloeh
Neu coba rasa dengoen leumang trieng
Beda jeut tangieng cukop brat beda
Balasan loen preh dari rakan rakan
Keugantoe loen peusan wahe saudara
Leumang buloeh Ngon leumang trieng
Asi neupeuglah heim Pat na beda
Meunan keuh haba kalitra jeut tameuhiem
Leumang buloeh trieng juoh that beda
Neu coba rasa nibak leumang buloeh
Balasan neupeutroek pat yang beda
Leumang buloh sering ulon ngieng
Meunyoe leumang trieng golom biasa
Hantom lon pajoh leumang boeh lam trieng
Simpang blang karing ji meukat hana
@munazirpuwan hayeu that meuhiem
Troek bak leumang trieng kalheuh geu rasa
Ka meupat beda buloh dengoen trieng
Di kamoe teuhieng awam leumpahna
Teurimong geunaseh
Saleum keu rakan
Saleum ke syedara
Kiban haba gata hai rakan di sinan
Beuno uroe peu na troh puasa?
Peunajoh Aceh leu that
Na yang peugot leupi badan, na yang peugot ule mumang
Tapi na saboh yang paleng mangat
Nyan keuh nan jih leumang
Aneuk muda sep galak i meubalap balap
Donya nyoe ka leu that ureung mumang
Daripada pikiran dan hate meleklap
Jak hai rakan ta pajoh leumang
Apa Him geu meukat boh salak
Nek Ani geu meukat gitar
Peu peunajoh yang gata galak?
Jeut rakan jaweub di kolom komentar
Saleum, @mirfaner
Luemang
Salam alaikom salum lon layang kuebandum rakan
Diglee ngoen di kuta bandum lon sapa teuma oh lhueh nya cut poe ngoen masyik bandum cit purip haba lon sapa siatteuk karap juet luemang tarasa
Oh tee ktrok juet buka puasa bek that nuekarat
luemang nueraba meunyoe luemang tuega nuekarat
han eek neukarat seumbahyang tueka oh lueh seumbahyang talanjuet lom luemang sigraa
Eet noe mumada akhirul kalam keupada rakan
Bandum lon sapa et no mumada panton lon karang
haba bu luemang tuemon buka puasa.
Saleum bak kamoe kepada akhi
Keu tgk zuri yang katroeh teuka
Yang ka neu saweu kamoe ngoen juri
Panton ka neubi padum boh banja
Walaupun singkat panton neurawi
Tetapi arti luah lagoina
Ta pajoh leumang oeh watee leupi
Tamah ngoen kupi dan asoe kaya
Teurimong geunaseh
Saleum bak kamoe kepada akhi
Keu tgk zuri yang katroeh teuka
Yang ka neu saweu kamoe ngoen juri
Panton ka neubi padum boh banja
Walaupun singkat panton neurawi
Tetapi arti luah lagoina
Ta pajoh leumang oeh watee leupi
Tamah ngoen kupi dan asoe kaya
Teurimong geunaseh
"Sang sang teukhem oh taingat keu puasa
Oh wate uro ie kulah sang sang coca cola
Bada leumik oh takalon sang sang pizza
Boh sawet deuh bak mata sang boh kurma
Laen takalon peusiap makanan untuk berbuka
Oh wate uroe peuget makanan meusuka riya
Na yang tet leumang na cit yang croh bada
Han ek tapike na yang boh jambe lhek ngen sira
Meunan jet buka mandum ata nyan gadoh selera
Takalon han ek le pulom taneuk rasa
Nyan mandum godaan keu ureung yang puasa
Ji goda le syeta supaya tanyoe tabuka puasa.
'Nyoe sagai yang na,trimong geunaseh.
Assalamualaikum hai rakan meutuah
Saleum sejahteura dari ulon tuan
Semoga sehat, badan dan pikiran
Puasa lancar hana hambatan
Lon jak keumawe merumpok eungkot sembilang
Wate ta keumawe bek tuwo ta sembahyang
Oh wate lon wo keumawe, merumpok cewek tari, raya panyang
Lon pakat jak u pasai pajoh leumang saboh dua
‘Ohh Lon kalon-kalon adek tari nyan
Muka that ceudah hie ureng india
Lon tanyong peukeuh kana pasangan
Kana aneuk 2 di jaweub teuka
Lon pajoh leumang saboh dua di pasai raya
Duduk ber 2 ngen si dara aneuk dua
Oh lon pajoh leumang, meu bacut hana teurasa
Sebab leumang ta pajoh sidro baro teurasa
Kasep oh ni panton lon karang
Nyo na kurang, neu jok leumang baro bertenaga
Wassalamualaikum
Assalamualaikom keu wareh kaom
saleum loen sapa keu mandum syedara
mulai jinoe loen karang panton
semoga meutamah rakan syedara
Buleun puasa sunggoh that tari
Rahmat Allah bi lipat ganda pahala
beleun puasa ge yue theundiri
watee neu buka baro neu raba leumang ngen kupi