‘Di Na Mababawi | Isang tula

“Di Na Mababawi”
Isang orihinal na akda

Di na mababawi
Ang mga oras na hinayaang lumipas
Di na mababawi
Ang mga larawang kumupas

Di na mababawi
Ang mga salitang binitiwan
Di na mababawi
Ang mga kinunan mong larawan

Di na mababawi
Ang mga nakatanim mong alaala
Di na mababawi
Ang mga pangako mong nagpaasa

Di na mababawi
Ang mga luhang tumulo na
Di na mababawi
Ang iyong pagkawala

Tiyak nga na masakit ang pagsisisi
Dahil alam mong ikaw ay nasa huli
Dahil alam mo na ikaw ay naging sawi
Dahil alam mong di mo na mababawi muli

Ito po ay isa sa mga orihinal na tula na ginawa ko, sana ay iyong naibigan.