ရိုးသားမှုနဲ့ လှပါစေ။

အခြေခံလူတန်းစားတိုင် စားဝတ်နေရေးခက်ခဲကြပါတယ်။ ဒါပေမယ့် ကိုယ့်ခွန်အားနဲ့ ကိုယ်မစားဘဲ သူတစ်ပါးရဲ့ ကရုဏာကို မရိုးမသားလိမ်လည်စားသောက်တာတော့မကောင်းဘူးပေါ့။ နောက်ပြီး ကိုယ့်သားသမီးရှေ့မှာတောင် ဒီအလုပ်ကိုလုပ်ဝံ့ကြသူတွေလဲရှိနေတာပါပဲလားလို့ ကျွန်မအံ့သြရတယ်။
မိဘဆိုတာ သားသမီးတွေရှေ့မှာ စံပြဖြစ်နေရမှာလေ။ ဒီလိုလူတွေကို တွေ့ရတာများလာတော့ တကယ့်ဒုက္ခရောက်နေသူကိုတွေ့ရင်လဲ မယုံကြတော့ဘူး။ အကူအညီမပေးကြတော့ဘူး။ မရိုးသားတဲ့သူတွေကြောင့် ရိုးသားသူတွေကိုပါ ထိခိုက်နစ်နာလာတော့တယ်။
ကျွန်မစာပေလောကထဲစဝင်တော့ မဂ္ဂဇင်တိုက်လိပ်စာတွေကိုရှာတယ်။ စာတိုက်ကနေပို့တယ်။ ဒီလိုနဲ့ပဲစိတ်ရှည်ရှည် ဇွဲလုံ့လထားပြီး စာပေလောကထဲရောက်အောင်လျှောက်ခဲ့တယ်။ အယ်ဒီတာဆိုတာဖြူလား မည်းလားမသိဘူး နောက်ပိုင်စာပေလောကထဲရောက်လာမှ စာပေမိတ်ဆွေတွေ တွေ့လာရတာပါ။
ကျွန်မကfacebookသုံးတော့ စာပေလောကထဲဝင်ချင်တဲ့ အငယ်ကလေးတွေက ကျွန်မကိုစကားလာပြောကြတယ်။ တချိူ့ကတော့ တကယ့်ကို ဝါသနာပါလို့ ရိုးရိုးသူတို့သိချင်တာကို မေးကြမြန်းကြတာပါ။ တချိူ့ကတော့ ဘယ်အယ်ဒီတာနဲ့ခင်လဲ။ မိတ်ဆက်ပေးပါဦး။ သူတို့ရေးထားတဲ့စာမူကိုပါ ပို့ပေးဖို့ အကူအညီတောင်းကြတယ်။ ရေးထားတဲ့စာမူကို ပြင်ရေးပေးပါဆိုတာမျိူးထိ ပြောလာကြတယ်။ စာပေလောကထဲဝင်ချင်တဲ့သူက ဖြတ်လမ်းနည်းကို အရင်စဉ်းစားတယ်။ မရိုးသားတဲ့နည်းနဲ့ စာမျက်နှာထက်ရောက်ချင်ကြတယ်။ အချိန်ပေးပြီးကိုယ်တိုင်းကြိုးစားဖို့အတွက်အားမထုတ်ချင်ကြဘူး။
ရိုးစားတဲ့သူတွေက ဒီလိုနည်းလမ်းတွေကို မေးမြန်းနေမယ့်အစား ကိုယ်တိုင်စာရေး စာဖတ်နေကြတယ်။ ဘယ်လောကထဲမှာပဲဖြစ်ဖြစ် ရိုးရိုးသားသားဖြတ်သန်းလာတဲ့သူက ရေရှည်အောင်မြင်ပြီး ရပ်တည်နိုင်ကြတာပါ။ မရိုးသားမှုဆိုတာ ကြာရှည်ဖုံးကွယ်ထားလို့မရပါဘူး။ အချိန်တန်ပေါ်လာတာပါပဲ။မရိုးသားသူလို့သိသွားကြရင် ဘယ်သူမှအယုံအကြည်မရှိကြတော့ပါဘူး။
ရိုးသားမှုက ရှားပါးနေပြီ။ ရှားပါးသလောက်လဲ တန်ဖိုးကြီးတာမို့ လူအများကရိုးသားသူကို လေးစားယုံကြည်ကြတယ်။ အများမိုးခါးရေသောက်ပေမယ့် ကိုကရှောင်နိုင်သလောက်ရှောင်ရင် အခြားသူတွေထက် ပိုမိုသာလွန်ကောင်းမွန်သူဖြစ်လာမှာပါ။
မိတ်ဆွေအပေါင်းအသင်းချင်းပဲဖြစ်ဖြစ် သူစိမ်းတွေနဲ့ ဆက်ဆံတဲ့အခါပဲဖြစ်ဖြစ် ရိုးသားခြင်းကိုအခြေခံထားသမျှ ပွင့်လင်းလွတ်လပ်ပြီး လှပတဲ့ဆက်ဆံရေးဖြစ်နေမှာပါ။ လူအချင်းချင်း ရိုးသားခြင်းဖြင့် တစ်ယောက်နဲ့တစ်ယောက်လှပတဲ့ ဆက်ဆံရေးကို တည်ဆောက်နိုင်ကြလိမ့်မယ်လို့ ယုံကြည်ပါတယ်။
MSU-007