မင်္ဂလာပါ ညီအစ်ကိုမောင်နှမများ အပေါင်းတို့။
မနောကံအကြောင်း ဆက်ဆွေးနွေးပါရစေ။ လူတစ်ယောက်ရဲ့ စိတ်ကို အကျယ်ချဲ့ရင် များသွားပြီး လေ့လာရတာ ဟုန်သွားမယ်။ ဥပမာ လောဘကြောင့်ဘယ်နှစ်စိတ် ဒေါသကြောင့် ဘယ်လောက် မောဟကြောင့်ဘယ်လောက်နဲ့ အများကြီး မလိုက်တော့ဘဲ သူရဲ့သဘောလက္ခဏါကိုဘဲ ဦးစားပေး လေ့လာကြစို့။စိတ်ကိုလောလောဆယ် ကိုယ့်ရဲ့ကိုယ်ပွါးအနေနဲ့ မြင်ကြည့်ပါ။ ဥပမာ ပြလို့ကောင်းအောင် ကိုယ်ပွါးဘဲဆိုကာစို့။ သူလည်း အလေ့အကျင့်စွဲတတ်တဲ့သဘောရှိတယ်။ လုပ်နေကြအလုပ်ကို လုပ်ချင်တယ် သွားနေကြအလုပ်ကိုသွားချင်တယ် စားနေကြအလုပ်ကို စားချင်တယ်။အရက်စွဲတယ် ဆေးလိပ်စွဲတယ် ဘိန်းစွဲတယ်စသဖြင့် ထိုထိုအရာတွေကို စွဲလန်းတယ်ဆိုတာ စိတ်ကြောင့်ဖြစ်တာပါ။ သူ့ကို အလေ့အကျင့်လုပ်ပေးလိုက်တော့ မရတော့ရင် သူသောင်းကျန်းတော့တယ်။ အဓိကအရေးကြီးတာက မကောင်းဘူးဟေ့ဆိုရင် သူ့ကို အစသွားသင်မပေးနဲ့။ သူ့မှာ သိတတ်တဲ့သဘောရှိသလို လုံးဝမမေ့စေတဲ့ မှတ်တတ်တဲ့သဘောလည်း ရှိတယ်။ ကောင်းကောင်းဆိုးဆိုး သူ့မှာ ကွန်ပျူတာလို သိမ်းထားနိုင်တဲ့စွမ်းရည် သူ့မှာရှိတယ်။ ကိုယ်ကကြာလို့ မေ့သွားနိုင်ပေမယ့် သူကဘယ်တော့မှ မမေ့ဘူး။ စိတ်ပညာရှင်တွေ လူတွေကိုအိပ့်မွေ့ချပြီး ငယ်စဥ်ကဖြစ်ရပ်တွေကို မေးတာတွေ ငယ်ငယ်ကဖတ်ခဲ့တဲ့စာကို ပြန်ပြောခိုင်းတာတွေ အကြောင်း မိတ်ဆွေတို့ ကြားဖူးဖတ်ဖူးမှာပါ။ ရာဇဝတ်မှုတွေကို အိပ့်မွေ့ချ စစ်ဆေးဖော်ထုတ်တာတွေလည်း ရှိပါတယ်။ သူက ဘာပဲလုပ်လုပ်မှတ်သားနိုင်တဲ့စွမ်းရည်ပိုင်ဆိုင်ထားတယ်။ ကျွန်တော်တို့လုပ်နိုင်တာက မကောင်းဘူးဟေ့ဆိုလျင် သူ့ကိုပေးမထိပါနဲ့။ဥပဒေသ ၁ ။ ။ မကောင်းမှုမှန်သမျှ ရှောင်ကျဥ်ပါ။
ရေများရေနိုင် မီးများမီးနိုင်ဆိုသလို ကောင်းတာတွေ များများပြုလုပ်နေခြင်းဟာ မကောင်းမှုကို တားမြစ်စေပါတယ်။ သူတစ်ပါးကို မေတ္တာထားနေတဲ့အချိန်ဆို စိတ်ကလေးဟာ အေးချမ်းနေပါတယ်။ကန်ရေပြင်ကိုဖြတ်သန်းတိုက်ခတ်လာတဲ့လေညှင်းအေးအေးလေးခံစားရသလို သူ့စိတ်လေးလည်း အေးမြလှပါတယ်။ ထိုအတူ မုဒိတာဖြစ်တာတွေ သူတစ်ပါးကောင်းကျိုးလိုလားတဲ့စိတ် ဖြစ်တာတွေ ပေးကမ်းလှူဒါန်းချင်စိတ် တွေ ကူညီချင်စိတ်တွေ ဖြစ်လာရင် စိတ်အေးချမ်းသလို ကျွန်တော်တို့ရဲ့ရုပ်ခန္ဓာကိုယ်ကြီးလည်း အေးချမ်းတဲ့အရသာ ခံစားရပါတယ်။စိတ်ကြည်တော့ ရုပ်ကြည်တာပေါ့။
ထို့ကြောင့် ဥပဒေသ ၂ ။ ။ ကောင်းမှုများစွားဖြင့် အလေ့အကျင့်ဖြစ်အောင် ထိတွေ့ပေးရပါမယ်။
စိတ်ဆိုတဲ့သူ့ချည်သက်သက်က အဖြူထည်လေးပါ။ တောကကျောင်းသားမြို့တတ်လာစ ဘာမှ မသိမတတ် အရိုးခံလေး။ တစ်ဖြည်းဖြည်း မြို့ကအပေါင်းအသင်းတွေနဲ့ သူငယ်ချင်းဖြစ်လာတော့ ဆေးလိပ်သောက်တတ်လာတယ် ကွမ်းစားတတ်လာတယ် အရက်သောက်တတ်လာတယ် ရည်စားထားတတ်လာတယ် ကျောင်းပြေးတတ်လာတယ် ။ပတ်ဝန်းကျင်က အရောင်ပြောင်သလို လိုက်ပြောင်းတတ်လာတယ်။သူချည်သက်သက်ဆို မကောင်းတာတွေမလုပ်ဖြစ်ပါဘူး။ စိတ်မှာ ထူးခြားတဲ့အရာတစ်ခု ရှိတယ်။ ဘာလဲဆိုတော့ အချိန်တစ်ခုမှာ တစ်စိတ်ဘဲဖြစ်တယ်။ စိတ်နှစ်စိတ် တစ်ပြိုင်တည်း ဖြစ်ရိုးထုံးစံမရှိဘူး။ ဘာကောင်းလဲဆိုတော့ သင် ကြောက်လန့်နေရင် အာရုံတစ်ခုခုနဲ့အစားထိုးလို့ရတယ်၊ သင် ဝမ်းနည်းနေရင် အာရုံတစ်ခုခုနဲ့ အစားထိုးပြောင်းလဲနိုင်ပါတယ်။နောက်တစ်ခုထူးခြားတာက စိတ်ဟာ ဖြစ်ပြီးတာနဲ့ တန်းပျောက်သွားတာ။သူ့ကိုကြည်လိုက်တာနဲ့ ပြေးပြီ။ ဘာဖြစ်လို့လဲဆိုတော့ တစ်ချိန်တည်းမှာ နှစ်စိတ် သူနေလို့မရလို့ဘဲ။ အဓိက ကမိတ်ဆွေ ပေါ်မူတည်တာဘဲ။ မိတ်ဆွေမှာ ကြိုက်တဲ့စိတ်ကိုထားခွင့်ရှိသလို အစားထိုးခွင့်လည်းပိုင်ဆိုင်ထားတယ်။ ကျွန်တော်တို့က လုပ်တဲ့အလေ့အကျင့်မရှိလို့ မသိကြလို့သာ သူချယ်လှယ်သမျှခံနေရတယ်။ ကျွန်တော်တို့က မင်းဘာလဲလို့ တည့်တည့်ကြည့်လိုက်တာနဲ့ သူ့အမြီးတောင် မမြင်လိုက်ရဘူး။ပြေးပြီဘဲ။သတိမထားရင်တော့ သူလုပ်ချင်သလို လုပ်တော့တာဘဲ။တစ်နေ့က discovery channalမှာ ဆင်ပေါက်စလေးသေသွားတာကို မိခင်ဆင်မကြီးက မခွဲနိုင်မခွါနိုင်ဖြစ်နေတယ်။ ဘေးပတ်လည်မှာ ခွေးအတွေက ဆင်သေလေးကိုစားဘို့ ချောင်းနေတယ်။ မိခင်ဆင်ကြီး မောင်းရင် ပြေးတယ် လစ်ရင် သွားဆွဲတယ်။ စောင့်ကြည့်နေရင် ခွေးအတွေ အနားမကပ်ရဲဘူး အခြားနေရာတစ်ခုခုသွားလုပ်တာနဲ့ ဆင်သေလေးကို သွားဆွဲတာဘဲ။ ထိုအတိုင်းဘဲ စိတ်ဟာ သူ့ကိုစောင့်ကြည့်နေရင် ငြိမ်ဝပ်နေတာဘဲ။ လစ်ရင်တော့ လစ်သလို ကဲတော့တာဘဲ။
ဥပဒေသ ၃။ ။ စိတ်ကို အမြဲတမ်း ဖြူစင်အောင်ထားပါ။
စိတ်ကိုထိုထိုထက် ထိန်းချုပ်နည်းတွေကို နောက်နေ့တွေမှာ ဆက်လက် ဆွေးနွေးပါမယ်လို့ ပြောကြားရင်း နိဂုံးချုပ်ပါရစေ။
မဟော်( ရှားကိုး)
11/5/2020
8:19 am
တကယ်ကို ဗဟုသုတ ရရှိစေတဲ့ဆောင်းပါးလေးပါ ကိုမဟော်။
စိတ်ကိုထိန်းချုပ်နိုင်အောင် သတိနဲ့စောင့်ကြည့်ပြီး
စင်ကြယ်အောင် ကြိုးစားကြရမှာပေါ့။
အစ်ကိုပေးချင်တဲ့ messageက ညီ့ cm အတိုင်းပါဘဲ။ျေးဇူးပါညီ
ကောင်းတယ် ကိုမဟော်ရေ..... ရေးအားလည်း ကောင်းလာသလို ရေးတဲ့ စာကလည်း တခုခု ရသွားတာချည်းပါပဲ။ Good job.
ျေးဇူးပါကိုဟင်။ တစ်စိုက်မတ်မတ် ကြိုးစားပါ့မယ်။
စိတ် စေတသိတ် တွေ လေ့လာရရင်ဖြင့်
အကျဥ်း ၈၉ အကျယ် ၁၂၁ တဲ့။