Covid-19 ရောဂါအတွက် ကျွန်တော် ကာကွယ်တဲ့ နည်းလေးကို ပြောပြချင်တယ်။
လက်ကို တတ်နိုင်သလောက် ဆပ်ပြာနဲ့ ဆေးတယ်။ တစ်နေ့ကို အနည်းဆုံး ၁၅ ကြိမ်ကနေ
အကြိမ် ၂၀ အထိ ဆေးတယ်။ အိမ်အပြင်ကို မဖြစ်မနေ ကိစ္စရှိမှ သွားတယ်။
သွားရင်လည်း နှာခေါင်းစည်း တပ်သွားတယ်။ နှာခေါင်းစည်းက အိမ်နားက
ဆေးဆိုင်တွေမှာ ဝယ်လို့ မရတော့ဘူး။ မရှိဘူးပဲ ပြောတယ်။ အခုတော့ shop.com.mm မှာ
မှာထားတယ်။ ၁၀ ခုကို ၅၈၀၀ တဲ့ ပို့ခက ၉၉၅ ကျပ် ဆိုတော့ ၁၀၀၀ နီးပါးပဲ။
ပို့ခပါ အပါအဝင် ၆၈၀၀ ကျပ် ကျတယ်။ အဲဒါ ၁၀ ခုပဲရမှာ။ အင်း လူတွေ အများကြီး
ဝယ်ကြတာဆိုတော့ စျေးကြီးလာတယ် ထင်တာပဲ။ ကျွန်တော် နည်း ကျွန်တော် ဟန်ကို
ပြောတာပါ။ လိုက်လုပ်တာ မလုပ်တာ ခင်ဗျားတို့ သဘောပါ။ ကျွန်တော်က ဆရာဝန်လည်း
မဟုတ်ပါဘူး။ သူနာပြုလည်း မဟုတ်ဘူး။ ဆေးပညာ ဗဟုသုတလည်း မရှိပါဘူး။
ကိုယ့်နည်းကို ဝေမျှလိုရင်း သက်သက်ပါ။ အဲ ခုနက နှာခေါင်စည်း ခေါ်မလား mask ပဲ
ထားပါတော့ဗျာ အိမ်နားမှာ ဝယ်လို့ မရဘူး။ စျေးကြီးလို့ အပြင်ထွက်တိုင်း အသစ်
မလဲနိုင်ဘူးဆိုရင် ကျွန်တော်က တိုက်ရိုက် နေရောင်အောက်မှာ လေးငါးနာရီ နေလှမ်းထားတယ်
ပြီးတော့မှ နေလှမ်းထားလို့ ဖုန်ကပ်နေရင် လက်ကိုင်နားက ခါပြီး ပြန်တပ်တယ်။ ဒါက
ကျွန်တော်နည်း သက်သက်ပါ။ ကာကွယ်နိုင် မနိုင်တော့ မသိဘူး။ ဒါပေမယ့် mask လိုက်ရှာ
ဝယ်နေလည်း အပြင်ထွက်ရမှာပဲလေ။ အိမ်နားက ဆေးဆိုင် ၃ ခု လုံးမှာ ဝယ်မရလို့ ဒီနည်းကို
သုံးနေတာပါ။ ကျွန်တော် အထင် mask က မီးဖိုပေါ် ကင်တာ မီးပူ ထိုးတာထက် နေလှမ်းတာက
ပိုသင့်တော်တယ်။ မီးဖိုပေါ်ကင်ရင် လွန်သွားရင် အပေါက်တွေ ကျယ်သွားနိုင်တယ်။ မီးပူ ထိုးရင်လည်း
mask က ပလပ်စတစ် အနည်းငယ်ပါတော့ လောင်ပြီး အပေါက်တွေ ကျယ်နိုင်မယ် ထင်တယ်။
ဝယ်မရလို့ ဒီနည်းသုံးတာပါ။ ဝယ်နိုင်ရင်တော့ အသစ်သုံးတာ အကောင်းဆုံးပေါ့။ ပြီးတော့ မနက်ပိုင်း
၈ နာရီက ၉ နာရီကြားမှာ နေပူဆာလှုံတယ်။ ၁၅ မိနစ် နာရီဝက်လောက်ပဲ။ ဒါကလည်း
ကျွန်တော် အထင် သက်သက်ပါ။ အပူရှပ် လောက်အောင်လည်း မလှုံပါဘူး။ နေရာင်ခြည်သည်
ရောဂါပိုးကို သေစေနိုင်သည်လို့ ငယ်ငယ်က သင်ခဲ့ဖူးလို့ပါ။ နေပူဆာလှုံခြင်းဖြင့် ဗိုက်တာမင် ဒီ ကို
ခန္ဒါကိုယ်က ထုတ်လုပ်ပေးတယ်လို့ ကြားဖူးလို့ပါ။ ၁၁ နာရီ ၁၂ နာရီ ကျော်ရင်တော့ မလှုံပါနဲ့တော့
ကောင်းကျိုးထက် ဆိုးကျိုးက များပါပြီ။ နောက်တစ်ခုက တစ်နေ့ကို သံပုရာသီး တစ်လုံး ကုန်အောင်
စားပါတယ်။ သံပုရာသီး တစ်လုံးကို ဓါးနဲ့ သေးသေးလေး စိတ်လိုက် ပြီးတော့ ဝါးစားလိုက်
အဲဒီလို နည်းနည်းချင်း တစ်နေကုန် လှီးလိုက် စားလိုက် လုပ်ပါတယ်။ တစ်နေကုန်တော့ သံပုရာသီး
တစ်လုံးလုံး ကုန်သွားပါတယ်။ ပြီးတော့ ကိုယ်နဲ့ ကိုယ့် မိသားစုဝင်တွေ အကိုင်များတဲ့ ပစ္စည်းတွေ
ဥပမာ အိမ် သော့ခလောက် သော့တံ တံခါးလက်ကိုင် အိမ်သာ တံခါးလက်ကိုင် တီဗွီ remote
မီးခလုတ် ဖုန်း တက်ဘလက် လက်တော့ ဒါတွေကို ဂွမ်းနဲ့ အရက်ပျံနဲ့ တို့ပြီး တစ်ရက်တစ်ခါ
ပွတ်ပေးပါတယ်။ ပြီးတော့ စောင် ခေါင်းအုံး အိပ်ယာကိုလည်း တစ်နေကုန် တိုက်ရိုက် နေရောင်အောက်မှာ
လှမ်းပါတယ်။ အိမ်မှာ အဲကွန်း မဖွင့်ပါဘူး။ တံခါးတွေ အကုန်ဖွင့်ပြီး နေရောင်ရအောင် လေဝင်လေထွက်
ကောင်းအောင် ထားပါတယ်။ အာဟာရ ပြည့်ဝအောင် စားပါတယ်။ အသင့်စား ခေါက်ဆွဲခြောက်
ကြာဇံခြောက်တွေ မစားဘဲ လတ်ဆတ်တဲ့ သားငါး သီးရွက်တွေ စားတယ်။ ကျွန်တော်က heavy smoker
သို့မဟုတ် chain smoker တစ်ယောက်ပါ။ ကူးစက်ပြီဆိုရင် ပြန်ကောင်းဖို့ မလွယ်ပါဘူး။ အခုထိလည်း
ဆေးလိပ်က သောက်တုန်းပါ။ တစ်နေ့ကို တစ်ဘူးကုန်ပါတယ်။ အဲဒါက လျှော့ထားသေးတာပါ။
ဆေးလိပ်သောက်ရင် အိမ်ကလူတွေ မရှူရအောင် အိမ်ပြင်ထွက်သောက်ပါတယ်။ အဲဒါက covid ဖြစ်မှ
မဟုတ်ပါဘူး။ အရင်ကတည်းကပါ။ လက်ကို ခဏခဏ ဆပ်ပြာနဲ့ ဆေးတာက ပြောစရာ လိုမယ်တောင်
မထင်ပါဘူး။ ကျွန်တော်နည်းကို လိုက်လုပ်ဖို့ အကြံပေးခြင်း မဟုတ်ပါ။ မျှဝေခြင်းသာ ဖြစ်ပါတယ်။