ဒါဟာ သင့်ကြွက်သားတွေကို အသုံးချပါလို့ ဆိုလိုတာဖြစ်ပါတယ်။ အလေးမလေ့ကျင့်ခန်းဟာ သင့်ကြွက်သားတွေကို ဖွံ့ဖြိုးလာစေမယ့် လေ့ကျင့်ခန်းဖြစ်ပါတယ်။ သီးသန့်အချိန်ပေးပြီး လေ့ကျင့်ခန်းမလုပ်ဖြစ်ရင်တောင် သင့်အနီးအနားက အရာဝတ္တုတွေကို မ ယူ ရွှေ့ပြောင်းပေးခြင်းဟာလည်း သင့်ကြွက်သားတွေကို လေ့ကျင့်ပေးရာ ရောက်ပါတယ်။ ဒါကြောင့် သင့်အင်အားနဲ့ မ လို့ရတဲ့ ပစ္စည်းတွေကို မ ဖို့၊ သယ်ယူဖို့ မပျင်းပါနဲ့။ အလေးမခြင်းဟာ ကြွက်သားတွေကို အလုပ်ပေးရာရောက်ရုံမကဘဲ ဦးနှောက်နဲ့ ဟော်မုန်းတွေအတွက်ပါ အထောက်အကူဖြစ်တယ်လို့ သုတေသီတွေက ဆိုပါတယ်။
လေ့ကျင့်ခန်းအတွက် အားကစားခန်းမကို သွားရောက်ဖို့ အချိန်ပေးနိုင်ရင် အကောင်းဆုံးပါပဲ။ တကူတကမသွားနိုင်ရင်လည်း ပြေးခြင်း၊ လမ်းလျှောက်ခြင်း၊ စက်ဘီးစီးခြင်း စတာတွေကို လုပ်ဆောင်နိုင်ပါတယ်။ တနေ့ကို နာရီဝက်ခန့် လမ်းလျှောက်ပေးခြင်းဟာ သွေးတိုး၊ နှလုံးနဲ့ ဆီးချိုရောဂါတွေ ဖြစ်နိုင်ခြေနည်းစေပါတယ်။ ဒါကြောင့် ပစ္စည်းတွေကို မ ပါ၊ လှုပ်ရှားပါ။ တချိန်လုံး ထိုင်နေခြင်းဟာ သင့်ကျန်းမာရေးကို အထောက်အကူမပြုပါဘူး။
Sort: Trending