Judul:binteuh meriya..
Bàk lòn hai adoè tan remòèh gedòeng
Sebàb naseb lon ķèn ureng kayà
Tinģģai lòn tuàn bàk sàbòeh gampoèng
Ŕumoeh buboèng òèn bintèuh meriýa
Lòn aneuk rantòe pesetòet untòeng
Sebàb digampònģ hana sapu na
Wareuh soudara saban mèuntoeng
Ayah pom lon ken ureng kaya
Timu ngen barat lon teka aroèng
Bè èk lon tulòeng udèup jipomà
Kadang goet naseb metuka untoeng
Lon kebah gampoeng kadang nabeda
Pakiban cara hai intan payoeng
Gaseh lon samboeng ka dengen gata
Ayah ngen poma golom lon tuloeng
Pakiban pawoen lon ba kegata.
Nyoeh goeh menyesal pike deuk untoeng
Pakiban ulon kawen gen gata
Sedang kan adoe beda dengen lon
Rumoeh mesusoen ngen harta benda.
Han euķ ulon ba intan ngen pawoen
Meàh deuk ulon ken hana cinta
Talake pesta peduķ lam gedoeng
Pat lon cok dilon dum nan belanja.
Han mungken lon ba tinplam boeh rom ròm
Rame jak kunjoeng soudara gata
Puloem jipoma golòem lòn tuloeng
Sikrek ija kroeng golom gerasa.
Tamita laèn mubek dengen lòn
Yang saban untoeng gata ban dua
Bèk lon ta cinta hai intan payoeng
Karna dengen lon jioh that beda.
Han mungken tawoe kedèh sajan lon
Angen ujen tren tateme rasa
Bintèuh meriya katireuh buboeng
Sipre jeut gulòng bak lon golom na
Tapike pikè ta timang payoeng
Segolom kelon telanjoe cinta
Gata dek taduk lam kama haroem
Nibak rumoeh lon jamoek jak seba
Karna lon tuan goloem goet untoeng
Pat lòn cok pawòen lon jok kegata
Lòn adu naseb kerja bak waroeng
Gaji diulon bantu yah poma.
Meah hai adoe pemeah ulòn
Ken maksud lon tren pejioh gata
Karna lon tuan aneuk lam gampong
Belanja dilòn seala kada.
https://sulaimansllsndree.blogspot.com/2019/03/judulbinteuh-meriya.html?m=1