KAPTEN DUPREE LAN NONI, ANAKE WADON
Papah,
Kuwe bibi Tarwen lan paman Sudir sih anu sapa?
Deneng cokane diwenehi dhuwit
Deneng cokane ditukokna sarung lan jarit
Deneng cokane dijaki plesir
Malah saben dina madhang neng kene sawise rampung cekel gawe...
Oo, Noni anaku sing ayu,
Kae tulih rewange kluwarga, kudu dicukupi lan direksa.
Papah,
Kae tangga-tanggane bibi Tarwenlan paman Sudir sih anu kenangapa??
Denengana sing dibanda
Denengana sing dibedhil
Denengana sing dipenthungi lan dikunjara...
Oo, Noni anakku sing ayu
Kae kabeh tulih anu ekstrimist, inlander, tukang mbrontak.
Mula kudu diperjaya
Papah,
Lan kabeh kancane papah sih anu apa?
Deneng neng kene kaya raja
Prentah sakdhet saknyet kudu diestoni
Njarah rayah bandhane wong sekampung
Petantang petenteng turut lurung adol gendhung
Ngumbar mimis plurunganah-ngeneh tanpa nganggo petung
Oo, Noni anakku sing ayu
Aku gur ngleksanani kewajiban lan tugas negara
Ora bisa ngenyangora bisa suwala
Kudu sendika aring dhawuhe ratu Wilhelmina
Papah,
Aku neng kene madhang skang hasil bumi Indhonesia
Ngumbe banyu skang sumur Indhonesia
Tumapak neng lemah Indhonesia
Rumangsaku ya aku bocah Indhonesia.
Snajan keturunan bangsa Eropah
Nanging jiwa ragaku nyawiji karo bangsa Indhonesia...
..............
Kapten Dupree meneng ora kodal semaur
Mripate mendelik untune gathik
Awake njenggereng kaku lan gemeter
Merga gigire ditunyuk pring lancip wulung
Temancep neng walikat tembuse jantung
Noni mlongo, orakumecap
Mbuh susah utawa bungah nyipati kedadeyan sakeclap
Merga sing merjaya Papahe ya kuwe Yitno
Nom-noman gagah prakosa sing dadi pacangane
Sing dadi ganthilane ati
Sing janji sdhela maning ngajak rabi
Aahh.....
Sugeng Joko Utomo, Tasikmalaya, 12-08-2018
Lingkar Sastra Gombong (Lisong)
Hello @wgustaman, apa kabar? Kami resteem ke 7804 follower yaa.. 😉 (Sepotong kontribusi kami sebagai witness untuk komunitas Steemit berbahasa Indonesia.)