ကျွန်တော့်အကို တာယာပွကြီးသည်က ယမကာ
ထွေလာပါမူ စကားအင်မတန်များတတ်သူဖြစ်သည်။
သူပြောသောစကားများက တခါတရံ ရီစရာကောင်းသလို၊ တခါတရံ မှတ်သားစရာလည်းပါသည်။
သို့ပေသိ အများအားဖြင့် စကားတခွန်ကို ခဏခဏ
ပြန်ပြော၍ စိတ်ညစ်ရသည်လည်းရှိသည်။
တခါတရံမှာတော့ ကြမ်းတမ်းစွာပြောဆိုတတ်ပြန်သည်။ တခါတလေ တဖက်သားကို ခံပြင်း
စေသော စကားများလည်း ပြောသည်။
သူ အများဆုံးပြောသည့်စကားများအနက်
ငယ်စဉ်က အဖြစ်အပျက်များလည်းပါပေသည်။
မူးယစ်စေသော အရက်သည်က သွေးကြော
အတွင်းရောက်ရှိသွားပါမူ ပြောသင့်၊ မပြောသင့်။
လုပ်သင့် မလုပ်သင့်အရာများကို ခွဲခြားနိုင်ခြင်း
မရှိပေ။ အရှက် သိက္ခာများလည်း ပျောက်ဆုံး
သည်။ ထိုမကောင်းသော အရည်ကို နှစ်သက်
ခုံမင်စွာ၊ စွဲလန်းစွာသောက်ကြသည်။ ထိုအရည်က
သူ့ကို တပ်မက်စေသောအရည်အချင်း၊ စွဲလန်း
စေသော အရာများဖြင့် သောက်သုံးသူကို
ဖမ်းဆုပ်ထားသည်။
ယမကာကို သောက်သုံးသူများက အကြောင်း
အမျိုးမျိုးဖြင့်သောက်ကြသည်။ မည်သို့ပင်
သောက်သုံးကြသည်ဖြစ်စေ ယမကာ၏ လွှမ်းမိုး
မှုမှ ရုန်းထွက်ဖို့က ခက်ခဲပေမည်။ သောက်လေ
သောက်လေ ငတ်မပြေ ဟု ဆိုစကားရှိပေသည်။
ထိုငတ်မပြေ အရည်ကို သောက်ရပါမူ ကျွန်တော့်
အကို တာယာပွကြီးက ထမင်းပင် မစားပဲနေနိုင်
သည်ဟုပြောဆိုထားသည်။ သို့ပေသိ လက်တွေ့မှာမူ
ယမကာမူးလာပါက အမေ့ ထမင်းစားပြီပလား။
ဘာဟင်းချက်သလဲဟုပြောကာ သူ မကြိုက်သော
ဟင်း ဖြစ်ပါမူ ရန်လုပ်တတ်ပေသည်။
တာယာပွကြီး၏ မူပိုင် စကားလုံးများအနက်
"ယူ သင့် အဘောက်"
"အနားသား တူးပိ"
အစရှိသည့် စကားလုံးနှစ်ခုကို အမြဲပြောသည်။
ငါတို့ ငယ်တုန်းကလေ အစရှိကာ ထိုစကားနှစ်ခု၏
အကြောင်းများကို ပြောပါလေသည်။
"ငါတို့ငယ်တုန်းက ဆိုက်ကားနင်းတဲ့ ကိုမောင်ကြီး
ပေါ့။ သူက အင်္ဂလိပ်စကားလည်း နည်းနည်းကျွမ်း
တယ်။ တနေ့ နိုင်ငံခြားသားတယောက်ကို
ဘူတာကြီးနေ ထွန်းလှ ဟိုတယ်ကို ပို့ရတာ။
ဆရာသမားက ငှားတဲ့နေရာကို တန်းပြီးမမောင်းပဲ
ခရီးရှည်အောင် ကွေ့ဝိုက်မောင်းတာပေါ့။
အဲ့ခေတ်က ခုလို ဂူဂဲမက်တွေ ဘာတွေ မရှိဘူး။
ခရီးဝေးအောင်၊ ကြာကြာမောင်းပြီး ဆိုက်ကားခ
တောင်းတာ။ နိုင်ငံခြားသားက ဆိုက်ကားခ ငွေရှင်းတော့
သူက ငွေပိုယူချင်တာ။ အဲ့မှာ သူက ပြောချ
လိုက်တာက"
You think about it.
မူးလာတိုင်း ဖော်ပြပါ စကားလုံးကို ရွတ်နေတော့သည်။
နောက် စကားလုံးက။
ကျွန်တော်တို့ ငယ်စဉ်က ဆွေမျိုးများသည်
မုန့်ပြားသလက် ရောင်းချသူ ပေါသည်။
ကြီးဒေါ်ကြီး မုန့်ရောင်းနေစဉ် နိုင်ငံခြားသား
က မုန့်ဝယ်စားသည်။ နိုင်ငံခြားသားက
မုန့်ကို လက်ညှိုးထိုးပြီး။
"အနားသားတူးပီ" ဟုပြောသည်။
ထိုအခါ ကြီးဒေါ်ကြီး က ရီမောကာ။
မတူးပါဘူး မောင်ရယ် စားကြည့်ပါဟုပြောပြီး
မုန့်များကို နိုင်ငံခြားသားလက်သို့ ထိုးပေးလေသည်။
တာယာပွကြီးက ထိုစကားနှစ်ခွန်ကို မူးလာသည့်
အခါတိုင်း အမြဲရေရွေတ်နေတတ်လေသည်။
Another two pieces.
You think about it.
@htwegyi
October 4, 2025.
မကောင်းပေမယ့် သကြန်တို့ နယူးယီးယား တို့ကျရင်တော့ မရှိမဖြစ်ပဲ သေရည်ပြောတာ !PIZZA
ဒါကလည်း အစဉ်အလာလို ဖြစ်တာပ။
$PIZZA slices delivered:
@phyowinkoko7(3/10) tipped @htwegyi
Come get MOONed!
ကိုတာယာပွကြီးကွ။
😅
!LOLZ