This poem is about growing up with a Jamaican mother. There are many types, this is just one of the many facets of a Jamaican mother . Like and share if you relate! Blessings

Listen to Yuh Madda
By A.T.Myrie

Listen to yuh madda
Cah shi nah guh repeat
And yuh know yuh inna
Trouble when shi
Start kiss har teet!

Listen to you madda
Cah shi know everyting
Shi juss a wait pon yuh fi
Tell di lie, suh shi can
Start di beating

Listen to yuh madda
Cah shi is always there
Sometimes shi a
Di madda, di fadda
Di police and di doctor

Listen to you madda
Cah shi always know best
Even when yuh test har patience
Wid every chance yuh get

Listen to you madda
Cah she love yuh like nuh other
From har first pinch to har last lick
Shi will always mek sure
Whatever yuh get
Yuh did wuk fi it

Written November 5,2019& Nov 2019
@11:55pm Oba, Japan

Posted via ReggaeSteem | Reggae Culture Rewarded